1. MÅLSETTING

Biblioteket har ei lovfesta målsetting: Å fremje opplysning, utdanning og kulturell verksemd gjennom informasjonsformidling, ved å stille bøker og anna materiale gratis til disposisjon til alle som bor i landet, med vekt på akualitet og kvalitet.

2. AKTIVITETAR

2.1 BESØKS- OG UTLÅNSTAL

Nøkkeltal for  2003 er:

• Det totale utlånet gjekk opp med 8,4 % til 44 299. 
• Talet på besøkande i biblioteket gjekk opp med 2,7 % til 38 741.
• Lånet av bøker til voksne gjekk opp med 4,4 % til 19 465
• Lånet av bøker til barn gjekk opp med 7.2  % til 14 304.
• Lånet av andre medier (musikk, video, lydbøker, cd-rom) gjekk opp med 17,9 % til 10 530.

Det totale utlånet med 44 299  var klart det beste biblioteket har hatt. Andre gode resultat har vore 40868 (2002), 40377 (2000), 39449 (2001), 39410 (1995), 39051 (1989).  Besøksnivået har auka kontinuerleg dei siste åra.  Talet på besøkande var dermed største i 2003. Det er eit større utlån av fagbøker til voksne og til barn som står bak auken i bokutlånet. Elles har lånet av lydbøker og filmar auka kraftig.  Utlånsnivået pr. innbuar var 5,02 for Haram og 4,49 for Møre og Romsdal.  Bruken av biblioteket pr. innbuar totalt sett ligg på 10. plass blant fylket sine 38 kommunar.

Faste aktivitetar varierer frå avdeling til avdeling på grunn av areal, tryggleik, fasilitetar og bemanning. Generelt utfører biblioteket desse tenestene:

• Internettilgong for publikum ved 5 avdelingar.
• Studielokale (Vatne) og eksamenslokale (Brattvåg).
• Utstillingar.
• Brukarorienteringar og klassebesøk.
• Lokalhistoriske tenester.
• Offentleg informasjon.
• Oppsøkande tenester.
• Framandspråklege tenester.
• Rådgjeving i bibliotekspørsmål.
• Depotsamlingar.
• Utlån av lokale (Brattvåg og Vatne)

Klassebesøk. Barnehagebesøk Samarbeid med Teknologisk Institutt om eksamen på internett. Forfattarkveld med Øyvind Vågnes.

3  TILVEKST AV NYE MEDIERESSURSAR

Nøkkeltal for 2003:

• Ein tok inn 1566 nye bøker i 2003, ein  liten nedgong i forhold til 2002.
• 924 bøker blei kassert.

Rekneskapet viser eit overforbruk på 0,66 %, eller kr. 11 348. Når det gjeld lønspostar, kosta forsikring (ulykke/gruppe) meir enn budsjettert, og arbeidsgjevaravgift mindre. Når det gjeld varer og tenester, var det kjøp av service- og driftsavtalar, (særleg til heisane), samt utlånsmateriell som kosta meir.  

5. PERSONALE

Bemanninga i  biblioteket var uendra i 2003. Bemanninga ligg berre på 44 % av normen. Når det gjeld bemanninga i dei 9 folkebibliotek i fylket som har eit høgare aktivitetsnivå enn i Haram, har desse mellom 15 og 300% meir personale. Det er ikkje råd å kutte i personalet i Haram når etterspørselen auker slik det gjer. 

6. FJERNLÅNSTENESTER

Nøkkeltal for 2003:

• Biblioteket lånte inn 875 bøker frå andre bibliotek i 2003, ein nedgong på 18 i forhold til 2002. Lån frå andre bibliotek har vore stabile dei tre siste åra, men er om lag 20 % lågare enn perioden 1997-2000.

7. PROSJEKT

• Med innsats frå brukarane blei flyfotosamling fullført så langt som råd. 
• Biblioteket arbeidet med eit  filmprosjekt  som heiter Bibfilm. Dette er eit samarbeidsprosjekt med Ålesund, Molde, Kristiansund og Ørskog. Biblioteket tok initiativet til dette, og ein fekk eit tilskot frå Norsk Filminstitutt til trykking av materiell.  Prosjektet vil fortsette til 2007.
• Biblioteket gjekk inn i eit samarbeid med Brattvåg ungdomsskule om utvikling av skulebiblioteket. Ved årsskiftet var nesten heile katalogen for dette biblioteket lagt inn i biblioteket sin base, og den same programvaren som biblioteket bruker er kjøpt av skulen. Lepsøy skule valgt ut bøkene  ein vil føre vidare i biblioteket sitt, lagt i katalogen. Timar frå siviltenesta er brukt til dette.
• Biblioteket gjekk inn i eit samarbeid med Haram vidaregåande skule. Det blei arrangert eit besøk til høgskulebiblioteket i Molde, og katalogen ved skulen leggast inn i biblioteket sin base. Ein tilsett ved skulen arbeider med dette, samt ei generell fornying av biblioteket, som i tillegg har kjøpt den same programvaren som folkebiblioteket.  
• Registreringa av antikvariske bøker frå Fjørtoft blei fullført, med kvelvet ved Vatne filial som lagringsplass.

9. RESULTAT FOR 2003

Haram folkebibliotek har gode resultat å vise til i 2003. Totalt sett bruker brukarane biblioteket meir, og til eit breiare spekter av tenester. Innsatsen frå personalet er stor sett i forhold til den låge bemanninga og biblioteket si geografisk fordeling. Biblioteket kom godt ut av ei brukarundersøkjing i kommunen. Ut over den daglege drifta, har biblioteket hatt ein del satsingsområde i 2003:

• Prosjektområde omtalt under punkt 7
• Oppgradering av ny programvare for katalogregistrering ved to filialar.
• Langsiktige oppgåver knytta til ressurskontroll og registering av strekkoder.
• Tilpassingar av internettsamband.

10. PLANAR FOR 2004

Oppgåver i 2004 vil ta utgangspunkt i Plan for Haram folkebibliotek 2003-2006

• Biblioteket kom godt ut av brukarundersøkjinga som blei gjennomført i 2003. Det viser seg at biblioteket må marknadsføre seg betre. Ein vil trykke ein informasjonsbrosjyre for biblioteket.
• Ein ønskjer ei varig avklaring om plasseringa av fililane
• Ein skal vidareutvikle filmprosjektet Bibfilm 
• Ein skal arbeide vidare med samarbeidsprojektet med Brattvåg ungdomsskule, Haram vidaregåande skule og om muleg Vatne ungdomsskule.

Biblioteket vil bli påverka av eksterne endringar:

• Norsk Digitalt Bibliotek
• ABM-utviklinga som gjeld frå 1.1.2003
• Arbeidet med lovendring for biblioteksektoren

David Beadle
Biblioteksjef
den 15. februar 2003.