DEL 1
Eg definerer temaet mitt

    EG ANALYSERER ARBEIDET  FORAN MEG

1. Eg ser på vilkåra

• Eg forstår målet med prosjektarbeidet og er klar over omfanget.
• Eg avklarar ramma for prosjektarbeidet med rådgjevaren min.
• Ser eg samanhengen mellom søking,  bearbeiding og presentasjon av informasjon?
• Er det spesielle avgrensingar eg må ta omsyn til?
 

2. Eg vel eit tema

• Eg vel eit tema og eg kan fortelje om det og om problemstillinga eg skal drøfte.
• Spørsmål eg bør stille meg om temaet.

 

     KVA VEIT EG OM DETTE TEMAET?

 

1. Eg gjennomfører ein idedugnad med vener og familien

• Eg gjer greie for grunnideane mine og noterer  enkle ord i høve til temaet og spesielt problemstillinga.
• Eg gjennomfører ein ide-dugnad  ved å spørje vener og familien om teamet. Eg noterer idear og inntrykk som verkar interessante.
• Det er klart at eg må fjerne irrelevante innlegg  som dei kjem med. Spesielt nokre av pappa sine.
• Eg sorterer ideane :
• er det meiningar og inntrykk vi  har felles?
• eg skill mellom det som vi er samde om og det vi er uenige om.
• eg ser litt på ord, uttrykk og namn eg har samla: er nokre av dei synonym av kvarandre?
• eg merkar ord og uttrykk som eg ikkje forstår.
• Eg ser på forholdet mellom det eg veit og det eg må finne ut.

2. Eg opprettar så ei liste over ord, utrykk  og namn som eg vil kalle NØKKELORD.

• Ut i frå desse ord og uttrykk som eg har samla, vil eg notere ei prioritering av nøkkelord som vil rettleie meg vidare.

 

    EG LAGAR EI OVERSIKT OVER ARBEIDET MITT

 

1. Eg gjer litt undersøkande lesing

• Eg bruker ordbøker, leksika, årbøker og andre dokument for å få meir førstehands kunnskap. Dette skal hjelpe meg i informasjonssøkinga.
• Eg slår opp synonyma til dei viktigaste nøkkelorda mine i ei synonymordbok og eit leksikon, for å noterere søkealternativ for seinare bruk.

2. Eg vurderer alternative informasjonskjelder.

• Eg finn ut kva for kjelder eg har i nærheita, i skulebiblioteket, høgskulebiblioteket og folkebiblioteket. Kva kan eg forvente av desse?
• Eg finn fram til notata mine om korleis finne fram i eit bibliotek. Der kan eg prøve å finne fram sjølv og eg kan spørre personalet.

 

  EG VURDERER EIN INNFALLSVINKEL TIL TEMAET

 

• Eg samanliknar opplysningane eg har samla og ser på alternative innfallsvinlar til temaet. Bør eg nærme meg temaet på annan måte enn eg først hadde tenkt?  Eller kan eg vente med det?
• Eg presiserer temaet
• anten ved å innsnevre temaet,

Eksempel : Rasisme... blant ungdom
• eller ved å kaste lys på ein annan samanheng.

Eksempel : Rasisme... og Norge
Denne presiseringa vil spare meg overflødige informasjonssøk. Det vil også gjere det lettare for meg å forklare temaet og problemstillinga.
• Eg reviderer nøkkelordlista mi ettersom eg har tilpassa innfallsvinkelen.
• Eg bestemmer meg for ein hovudidé, som vil rettleie meg vidare i prosjektarbeidet mitt. Det blir ei hovudretning, men eg kan velje alternative stiar.

  EG ORGANISERER INFORMANSJONSSØKINGA OG PLANARBEIDET

 

1. Eg lagar ein foreløpig arbeidsplan

• Eg oppsummerer kunnskapane eg har om temaet. Eg bruker prioriterte nøkkelord som ordningskriterium. Til saman blir dette

ein foreløpig plan, som kan modifiserast, over arbeidet eg skal gjere og informasjonen eg skal presentere. Planen skal vise ei retning for arbeidet.
• Dette er eit høveleg tidspunkt å be om kommentarar.
Det er mogleg at rettleiaren min har gitt eit bestemt tidspunkt for ei slik gjennomgåing.

2. Eg organiserer informasjonssøkinga

• Eg skisserer ein plan for målretta innhenting av informasjon.  Det er nødvendig at eg :
• klargjer innhaldet i informasjonen eg treng :

kva informasjon må eg ha for å gi produktet mitt eit innhald?
• veit kva for hjelpemiddel eg treng for å finne denne informasjonen :

korleis kan eg finne informasjonen?
• Eg gjer god bruk av huskelista. Når eg går frå arbeidet, merkar eg av kor langt eg har kome for lettare å ta opp att tråden.

      22. juni 1998