Eg orienterer meg

Dersom du er ein elev : Ved skulestart kvart år er det natureleg at skulebibliotekaren «INFORMERER OM BIBLIOTEKET», i samband med fagplanen klassen har for det aktuelle året.

Målet med ei slik orientering er å vise deg «SØKEMETODIKKEN» du vil ha fordelen av å kunne, når du får oppgåver som krev at du skal finne informasjon sjølv.

Det er mange ulike INFORMASJONSKJELDER i eit bibliotek: leksika, ordbøker, bøker, aviser, tidsskrift, audiovisuelle dokument m.m.

Informasjonen blir lagra i dokument av ULIKE FORMER : trykte ord, CD-ROM, film, diskett, m.m..

Mange av informasjonskjeldene kan du LÅNE med deg heim.

I nærleiken til oppslags- og referanseverk som ikkje kan lånast ut (atlas, leksika), skal det vere STUDIEPLASSAR, slik at du kan arbeide med informasjonskjeldene på staden.

Biblioteka har LÅNEREGLEMENT, som t.d. Haram folkebibliotek sine. Alle må følgje lånereglementet, for biblioteket er ein kollektiv ressurs.

Biblioteket kan kopiere frå kjelder som referanseverk og internettbasar, men du må vere forberedt på å betale for kopiar og uskrifter.

Ut over grunnopplæringa du får eller har fått på skulebiblioteket, kan du forvente hjelp frå personalet i andre bibliotek i situasjonar som er nye for deg.

Alle bibliotek har eit hjelpemiddel som fortel kva for informasjonskjelder biblioteket har. Det  er KATALOGEN, som fortell deg kva form dokumentet har (bok, CD-ROM), og kvar det  er plassert. Ein katalog kan dekkje eit eller fleire bibliotek.

Katalogen er som oftast automatisert i ein database. Opplysningane om informasjonskjelda er tilgjengelege ved å søke etter forfattarnamn, titlar og/eller emne (som tilsvarar nøkkelorda dine). Ein automatisert katalog vil gi deg fleire søkealternativ enn desse.

I mange land bruker folkebibliotek og skulebibliotek Dewey klassifikasjonssystem for å gi kvar informasjonskjelde ei "adresse" i biblioteket, for å gjere det lett og raskt å finne informasjonen.

Eg kan ikkje finne dokumentet

I informasjonssamfunnet har det blitt meir innvikla å finne fram til den rette informasjonen. Derfor har du krav på opplæring i SØKEMETODIKK (IT-kunnskap). 

Du kan vurdere på nytt søkemetoden din. Prøv alternative NØKKELORD i katalogen. Vis gjerne  personalet akkurat kvar du køyrde deg fast. Dette vil hjelpe dei å forklare.

Dokumentet du søker kan vere UTLÅNT. Du kan reservere det. Går du på skule, kan det hende at skulen allereie har RESERVERET dokumenta til elevane sine i forvegen, for å vere sikker på at alle har tilstrekkelege informasjonskjelder til rett tid. Du kan reservere eit dokument og forvente det seinast innan 4 veker, sidan dette er den normale utlånstida. Automatiserte katalogar vil ofte fortelje deg om dokumentet er utlånt eller reservert.

Når du finn at biblioteket ditt ikkje har eit dokument, kan du be om at boka blir vurdert kjøpt inn. 

Dersom ingen av biblioteka (t.d. høgskulebiblioteket, folkebiblioteket, skulebiblioteket) har dette eller eit likeverdig dokument, og heller ikkje er villige til å kjøpe det, kan det i visse tilfelle skaffast gjennom eit INTERBIBLIOTEKLÅN system. I motsatt fall må du vurdere å endre temaet.

I samband med SKULEREFORMAR skal alle skulebibliotek ha tilleggslitteratur for å dekke ein rimeleg etterspørsel etter informasjon til prosjektarbeid. Dermed kan du sjå i hyllene for å få ein idé til eit alternativt tema.