Denne rapporten har forsøkt å gi eit glimt av det ungarske folkebibliotekvesenet ved å presentere eit større bibliotek på bakgrunn av samanlikningar med to andre større bibliotek. Biblioteket er presentert på ein generell måte, og to avdelingar som er organisert på ein original måte er presentert i meir detalj.

Studieturen har gitt følgjande inntrykk:

• Kecskemét bibliotek held ein høg standard, også samanlikna med norske forhold.
• Biblioteket er godt organisert og den profesjonelle bemanninga, organisert etter TQM-prinsipp (Total Kvalitetstyring) bør vere ei kjelde til inspirasjon for norsk bibliotekleiing.
• Den offentlege økonomien i Ungarn er redusert og nyinvestering i landet er hovedsakleg privat.
• Publikum må betale årskontingent for dei viktigaste bibliotektenestene, men dette ser ikkje ut til å gå ut over bruken.
• Biblioteket er initiativrikt på fleire plan, og må vere det for å få midlar.
• Barneavdelinga - Barnas Verd - innheld gode idéar som vil bli fulgt opp i arbeidet med nytt hovedbibliotek i Haram kommune.
• Infoteket er eit godt omgrep som set søkjelyset på informasjonstenesta i eit bibliotek. Også her er det idéar som vil bli fulgt opp i samband med nytt kombinert hovedbibliotek og Infotorg i Haram kommune.
• Biblioteket står foran eit økonomisk problem på grunn av behovet for fornying av IKT-utstyr.
• Biblioteket har eit stort personale, som må reduserast i løpet dei neste 5 åra i samband med ei nødvendig tilpassing til lønsnivået i EU.